Dja fosi serka di tres mes ki nasi um simplis ideia: fazi 65 bolsas kosta pa oferesi kriansas di nos kumunidadi. So ki kes bolsa tinha di ser fetu pa propi asosiasom.
Logu asosiasom kumesa na senegal a pripara pa kela. e lansa dizafiu pa sosiedadi djudal.
Na mumentu e ka tinha tudu priparativus. logu ideia foi abrasadu pa um artista Senegales um jovem ki bem di um familia stremamenti umildi pobri mas riku spiritual.
Mamadou e um di kes kriansa ki ta prendi tra sedu proibisom di trabadju infantil di si kabesa. obrigadu a prendi fazi um arti na ruas desorganizadus di Dakar bu tem ki prendi Sobrevivi. Mamadou prendi fazi si arti sedu. Prendi kostura obrigatoriamenti na um di kes maior merkadu informal di kostura di afrika osidental KOLOBANI:
um sitiu di vista panoramiku inkrivel xeiu di lixu ta parsi ma la ka tem nada a ver ku stadu senegales. nu podi fla ma e um motor di ekonomia di dakar. sem kolobani nu ka ta konsigi imajina minina di oru di Fransa. kada metru kuadradu debi ser okupadu ku um makina di kostura ku si manobrador . divisom di trabadju la e inkrivel jovens xintadu na banku di renki so pa koze botom ou pa fia gudja duranti dia interu so pa bu tem um ideia:
Makina Zuki era sonhu di Mamadou sima kualker kriansa ou jovem senegales na kapital di Dakar.
Mamadou di etnia Pular ki sedu tevi di buska vida nes arti odja si sonhu atraves di Pilorinhu realizadu.
E seta bem pa Cabo Verde da si kontributu pa ki 65 kriansa tem um bolsa kosta afrikanu i pa ki pilorinhu avansa ku es tipu di speriensia. um verdaderu revolusom na si vida. e tem ki dexa um poku di kume txepi ou di fala si lingua ke gosta e tem ki habitua ku abitus di kristom pamo el e musulmanu.
M
menus di um mes dja nu montaba ofisina na senegal fazi um speriensia i dja nu staba na Pilorinhu pa da kontinuidadi.
poku mas di 3 mes dja nu sta prontu pa entrega kes muxila.
tem kuza ki verdadi ka ta konsig
